આ સ્ટેશનનું નથી કોઈ નામ, સાઈન બોર્ડ જોઈ ચકરાવી જાય છે મુસાફરનું માથુ

Indian Railways Interesting Facts: તમે ટ્રેનમાં ઘણી મુસાફરી કરી હશે. તમે જોયું જ હશે કે દરેક રેલવે સ્ટેશનનું કોઈ ને કોઈ નામ હોય છે, જેથી તમે તે જગ્યાએથી ટ્રેનમાં યોગ્ય રીતે ચડી શકો અથવા ઉતરી શકો. પરંતુ શું તમે જાણો છો કે ભારતમાં એક એવું રેલવે સ્ટેશન છે જેનું કોઈ નામ નથી. જ્યારે પણ મુસાફરો ત્યાં ઉતરે છે, ત્યારે તેઓ સ્ટેશનનું કોઈ નામ ન જોતા મૂંઝવણમાં મુકાય છે. તેઓ સમજી શકતા નથી કે તેઓ યોગ્ય સ્ટેશન પર ઉતર્યા છે કે નહીં. આજે અમે તમને આ રસપ્રદ સ્ટેશન વિશે વિગતવાર જણાવીશું.

પશ્ચિમ બંગાળમાં પડે છે રેલવે સ્ટેશન

આ સ્ટેશન પશ્ચિમ બંગાળ (West Bengal) ના બર્ધમાન જિલ્લામાં આવે છે. આ રેલવે સ્ટેશન વર્ધમાનથી લગભગ 35 કિમી આગળ ચાલીને આવે છે. આ સ્ટેશન બાંકુરા-મસાગ્રામ રેલવે લાઇન પર છે અને રૈના અને રૈનાગઢ 2 ગામોની વચ્ચે આવે છે. આ બે ગામો વચ્ચેના રારને કારણે આજ સુધી આ સ્ટેશન નામ વગરનું રહ્યું છે. રેલવેએ વર્ષ 2008માં આ રેલવે સ્ટેશન તૈયાર કર્યું હતું અને તે સમયે તેનું નામ રૈનાગઢ રાખવામાં આવ્યું હતું.

આ પણ વાંચો :  Jio એ 3 નવા પ્રી-પેડ પ્લાન લૉન્ચ કર્યા, અમર્યાદિત 5G ડેટા, મફત SonyLiv અને Zee5 સહિત મળશે ઘણા લાભો

બે ગામો વચ્ચે નામને લઈ વિવાદ

રેલવેના આ નિર્ણયનો રૈના ગામના લોકોએ વિરોધ કર્યો હતો. તેમણે જણાવ્યું હતું કે રૈના ગામની જમીન પર સ્ટેશનની બિલ્ડીંગ બનાવવામાં આવી છે. એટલા માટે સ્ટેશનનું નામ રૈના હોવું જોઈએ. બીજી તરફ, રૈનાગઢ ગામના લોકોએ જણાવ્યું હતું કે સ્ટેશન (Rainagarh Railway Station) નું નામ બદલવું જોઈએ નહીં. બંને ગામો વચ્ચેનો વિવાદ એટલો વધી ગયો કે મામલો રેલવે બોર્ડ સુધી પહોંચ્યો.

ચકરાવી જાય છે પેસેન્જરનું માથુ

તેના પછી, ભારતીય રેલવે (Indian Railways Interesting Facts) એ સ્ટેશન પર લગાવેલા તમામ સાઈનબોર્ડ્સમાંથી રૈનાગઢનું નામ હટાવી દીધું અને કોઈ નવું નામ ઉમેર્યું નહીં. જેના કારણે સ્ટેશન પર લગાવવામાં આવેલા તમામ પીળા સાઈન બોર્ડ હજુ પણ ખાલી પડ્યા છે. જો કે આ સ્ટેશનની ટિકિટ હજુ પણ રેલવે દ્વારા રૈનાગઢના નામે આપવામાં આવે છે. જેના કારણે જ્યારે પણ કોઈ મુસાફર પહેલીવાર આ સ્ટેશન પર ઉતરે છે ત્યારે તે વિચારીને ચિંતિત થઈ જાય છે કે તે ખોટા સ્ટેશન પર તો નથી ઉતરી ગયો ને.

આ પણ વાંચો : ઘરમાં કેટલી રાખી શકો છો રોકડ? જાણો શું કહે છે ઈનકમ ટેક્સના નિયમ