Connect with us

SarkariYojna

ફક્ત 210 રૂપિયા જમા કરી દર મહિને મેળવો 5000 રૂપિયા, આ સરકારી સ્કીમમાં કરો રોકાણ

Published

on

કેન્દ્ર સરકાર તરફથી અસંગઠિત ક્ષેત્રના લોકો માટે શરૂ કરવામાં આવેલી સોશિયલ સિક્યોરિટી સ્કીમ અટલ પેન્શન યોજના (Atal Pension Yojana) એ નવો રેકોર્ડ સર્જ્યો છે. અટલ પેન્શન યોજના (APY) એ ભારત સરકાર દ્વારા સમર્થિત અને PFRDA (પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી) દ્વારા સંચાલિત બાંયધરીકૃત પેન્શન યોજના છે. આપને જણાવી દઈએ કે આ સ્કીમ 9 મે 2015ના રોજ શરૂ કરવામાં આવી હતી. APY હેઠળ નોંધણી 25 ઓગસ્ટ 2021 સુધીમાં 3.30 કરોડને વટાવી ગઈ છે.

એપીવાયના નિયમો મુજબ 18 થી 40 વર્ષની વય જૂથની વ્યક્તિ માસિક પેન્શન માટે પાત્ર બનવા માટે APY એકાઉન્ટ ખોલી શકે છે. આ યોજના હેઠળ સબસ્ક્રાઇબરને 60 વર્ષની નિવૃત્તિની ઉંમરથી તેના દ્વારા કરવામાં આવેલા યોગદાનના આધારે 1,000 થી 5,000 રૂપિયાનું પેન્શન મળે છે.

દર મહિને મળશે 5000 રૂપિયાની પેન્શન

આપને જણાવી દઈએ કે અટલ પેન્શન યોજના ઓછા રૂપિયાનું રોકાણ કરીને પેન્શનની ખાતરી આપવા માટે એક સારો વિકલ્પ છે. તાજેતરમાં અટલ પેન્શન યોજના હેઠળ સરકાર 60 વર્ષ પછી દર મહિને 1000 થી 5000 રૂપિયા પેન્શનની ગેરન્ટી આપે છે. અટલ પેન્શન યોજના હેઠળ એકાઉન્ટમાં દર મહિને નિશ્ચિત યોગદાન કરવા પર રિટાયરમેન્ટ પછી 1 હજારથી 5 હજાર રૂપિયાનું માસિક પેન્શન મળશે. દર 6 મહિને માત્ર 1,239 રૂપિયાનું રોકાણ કરવા પર 60 વર્ષની ઉંમર પછી 5000 રૂપિયા પ્રતિ માસ એટલે કે 60,000 રૂપિયા વાર્ષિક પેન્શનની સરકાર ગેરન્ટી આપી રહી છે.

દર મહિને જમા કરવા પડશે 210 રૂપિયા

વર્તમાન નિયમો મુજબ જો 18 વર્ષની ઉંમરે માસિક પેન્શનમાં 5000 રૂપિયા મેળવવા માગો છો, તો તમારે દર મહિને 210 રૂપિયા સ્કીમમાં જમા કરવા પડશે. જો આ જ રૂપિયા દર ત્રણ મહિને આપવામાં આવે તો 626 રૂપિયા જમા કરવા પડશે અને છ મહિનામાં 1,239 રૂપિયા ચુકવવા પડશે. 1,000 રૂપિયાનું પેન્શન મેળવવા માટે જો તમે 18 વર્ષની ઉંમરે રોકાણ કરો છો, તો તમારે દર મહિને 42 રૂપિયા ચૂકવવા પડશે.

નાની ઉંમરમાં જોડાવા પર મળશે વધુ લાભ

ધારો કે જો તમે 5 હજાર પેન્શન માટે 35 વર્ષની ઉંમરે જોડાઓ છો, તો 25 વર્ષ સુધી તમારે દર 6 મહિને 5,323 રૂપિયા જમા કરાવવા પડશે. આવી સ્થિતિમાં તમારું કુલ રોકાણ 2.66 લાખ રૂપિયા થશે, જેના પર તમને 5 હજાર રૂપિયા માસિક પેન્શન મળશે. જ્યારે 18 વર્ષની ઉંમરે જોડાવા પર તમારું કુલ રોકાણ માત્ર 1.04 લાખ રૂપિયા થશે. એટલે કે આ જ પેન્શન માટે લગભગ 1.60 લાખ રૂપિયા વધુ રોકાણ કરવા પડશે. ઈનકમ ટેક્સની કલમ 80CCD હેઠળ તેમા ટેક્સ છૂટનો લાભ મળે છે.

મહત્વપૂર્ણ નોંધ : આ આર્ટીકલ ફક્ત તમને માહિતી મળી રહે એના માટે લખવામાં આવેલ છે , વધુ માહિતી માટે ઓફિસિયલ વેબસાઈટ ચેક કરો

લેખન સંપાદન : માહિતી એપ ટીમ ( ગુજરાતનું અગ્રેસર એજ્યુકેશન અને ઇન્ફોર્મેશન પોર્ટલ ) [તમે આ લેખ MahitiApp.In ના માધ્યમ થી વાંચી રહ્યા છો,’સમાવિષ્ટ સોના ચાંદીના ભાવ/ રાશિફળ / આગાહી / બજાર ભાવ /કોઈપણ માહિતી / સામગ્રી / ગણતરીની ચોકસાઈ અથવા વિશ્વસનીયતાની બાંહેધરી અમારી નથી. આ માહિતી તમને વિવિધ માધ્યમો એકત્રિત કરીને તમને મોકલવામાં આવી છે. અમારો ઉદ્દેશ ફક્ત માહિતી પહોંચાડવાનો છે, કોઈ પણ ધર્મ કે સમુદાય ની લાગણીને ઠેસ પોહ્ચાડવાનો નથી.]આ આર્ટિકલ વાંચવા બદલ આપનો આભાર..

માહિતી ગમી હોય તો તમારા મિત્રો સાથે જરૂર શેર કરજો,શેર કરવા માટે ઉપર બટન આપેલા છે

SPONSORED ADS 1

Follow Us Twitter @SarkariMahiti

Recent Posts

Sponsored Ads 2

Trending