UK PM Keir Starmer: યુકેના વડાપ્રધાન કીર સ્ટારમરે ઈમિગ્રેશનના નિયમો કડક કરવાની જાહેરાત કરી છે. કાયદેસર પ્રવાસીઓએ નાગરિકતા માટે 10 વર્ષ રાહ જોવી પડશે.
સ્ટુડન્ટ વિઝા અને વર્ક વિઝાના નિયમો પણ કડક બનાવાશે
આટલું જ નહીં યુકેના વડાપ્રધાને X પર પોસ્ટ કરીને લખ્યું છે, કે ‘જો તમે યુકેમાં રહેવા માંગો છો તો તમને અંગ્રેજી ભાષા આવડવી જ જોઈએ. તેથી અમે ઈમિગ્રેશનમાં અંગ્રેજી ભાષાની યોગ્યતાને પણ કડક બનાવી રહ્યા છે.’
જે હેઠળ હવે યુકેમાં રહેતા કાયદેસર પ્રવાસીઓએ નાગરિકતા મેળવવા માટે 5ની જગ્યાએ 10 વર્ષ સુધી રાહ જોવી પડશે. કોઈ વ્યક્તિ 10 વર્ષ યુકેમાં રહે તે બાદ જ તે નાગરિકતા મેળવવાને લાયક ગણાશે. સરકારના નિર્ણયના કારણે બહારના દેશોથી યુકેમાં આવી નાગરિકતા મેળવતા લોકોની સંખ્યામાં ધરખમ ઘટાડો નોંધાશે.
નોંધનીય છે કે યુકેની સરકાર ટૂંક સમયમાં સંસદમાં વિસ્તૃત ઈમિગ્રેશન વ્હાઇટ પેપર રજૂ કરશે. આગામી સમયમાં વર્ક વિઝા, સ્ટુડન્ટ વિઝા તથા ફેમિલી વિઝાના નિયમો પણ વધુ કડક કરવામાં આવશે.
